Ditën e sotme Kuvendi i Shqipërisë do të mblidhet në seancë plenare, ku në rend ditë është planifikuar një interpelancë me kryeministrin Edi Rama, e kërkuar nga deputeti i PD, Tritan Shehu.
Megjithatë ngelet për tu parë pasi me shumë mundësi kryeministri nuk do të jetë i pranishëm, kjo pasi ndodhet në Mal të Zi për Samitin Ballkani Perëndimor-BE.
Më pas do të jetë ministrja e Arsimit dhe Sportit, Ogerta Manastirliu që do t’i përgjigjet pyetjeve të parashtruara nga deputetja e Partisë së Lirisë, Erisa Xhixho.
Më tej, sipas rendit të ditës, Kuvendi do të diskutojë një seri marrëveshjesh, duke nisur nga ajo e Interpol, e cila vjen në kuadër të Konferencës së 51-të të Interpol, që do të zhvillohet për herë të parë në Shqipëri, Tiranë.
Po ashtu, pritet të diskutohet dhe marrëveshja e pensioneve me Italinë dhe një marrëveshje në fushën e arsimit.
Gjithashtu, gjatë seancës së sotme në Parlament pritet të diskutohet dhe një akt normativ, si dhe dy pr/ligje.
