Presidenti i Partisë së Lirisë, Ilir Meta ka reaguar nga Ljubljana për çështjen e ish-kryeministrit Sali Berisha duke thënë se ajo që po ndodh ndaj tij është çmenduri.
“Ajo qe ka ndodhur me Berishën është një çmenduri. Kemi të bëjmë me një proces politik dhe ndalimi i tij është tërësisht politik, pa asnjë prove, por mbështetur vetëm mbi propagandë.
Ai është ndaluar sepse ka denoncuar çdo ditë energjikisht korrupsionin e Qeverisë dhe ka kundërshtuar energjikisht ndryshimin e kufijve të Kosovës, një projekt që është mbështetur nga Edi Rama”, tha Meta.
