Një 43-vjeçar shqiptar dhe gruaja e tij janë sulmua fizikisht në Athinë nga 3 persona për arsye të paditura.
Nga pamjet që janë publikuar dallohet se dy makina kishin ndaluar fillimisht në semafor të kuq. Më pas, drejtuesit e dy mjeteve kanë nisur të bisedojnë me tone të larta dhe nga njëra makinë kanë zbritur tre persona, të cilët janë vërsulur drejt çiftit.
Burrë dhe grua janë dërguar në spital për ndihmë mjekësore, ndërsa tre personat e tjerë janë shoqëruar nga Policia për veprime të mëtejshme procedurale. Autoritetet kanë nisur hetimet për zbardhjen e plotë të shkaqeve të ngjarjes.
