Shtetet e Bashkuara të Amerikës kanë reaguar duke e cilësuar të rrezikshëm dhe të papërgjegjshëm deklaratën e kreut të Republikës Srpskas Milorad Dodikut për ndarje nga Bosnja. Ai deklaroi se do të dalë me propozim pas 30 ditësh për “ndarje paqësore”.
“Shkëputja e Republika Srpskas nuk do të thotë pavarësi e saj apo fund i Bosnje e Hercegovinës, por nënkupton fundin e Republika Srpskas.
Dodiku dhe qeveria e Republika Srpskas janë përpjekur të justifikojnë këtë vendim bazuar në një sërë gënjeshtrash dhe dezinformatash të dizajnuara ta trembin publikun e RS-së që t’i ndjekin në këtë rrugë të rrezikshme.
Veprimet e Dodikut e vënë në rrezik të ardhmen brenda institucioneve euroatlantike që populli i Bosnjës, përfshirë Republikën Srpska, e do. Rruga e tij e propozuar do të sigurojë që banorët e Republika Srpskas, fëmijët dhe nipërit e tyre të mos kenë jetë paqësore, të begatë dhe demokratike që e meritojnë”, thuhet në reagim.
