Një 38-vjeçar shqiptar ka rënë në prangat e policisë gjermane pasi është kapur me një sasi të madhe kokaine.
Ai është kapur pranë Berkheim ku është ndaluar një automjet tip “Volvo” me targa belge.
Makina po shkonte drejt jugut të Gjermanisë ku gjatë kontrollit policia gjermane ka gjetur dhe sekuestruar 12 kg kokainë.
Në pranga menjëherë është vendosur 38-vjeçari shqiptar.
Ai është paraqitur para Gjykatës së Memmingen ku është vendosur dërgimi i tij në paraburgim. Hetimet po vijojnë për rastin nga Prokuroria e Memmingen.
