Gjatë fjalimit të tij Rama bëri dhe një paralelizëm mes Greqisë dhe Italisë në pritjen e shqiptarëve dhe racizmit me të cilën u detyruan të përballen.
‘E stato un albanese’, Rama në Itali: U diskriminuam por shqiptarët ja dolën!
Rama në Milano kujtoi faktin që shqiptarët të cilët u detyruan të jetonin në Greqi, u detyruan gjithashtu të ndryshonin edhe emrat që u kishin vënë prindërit.
Ai tha se ky ishte një turp në mes të Europës.
“Motra e vëllezër, mora shumë mesazhe nga shqiptarët në Itali pas valles kuqezi në zemër të Greqisë. Në më shumë se një rast më thonin që kur të vija në Milano nuk duhet të harroja se edhe ju keni vuajtur.
Ndjeheshit të përjashtuar nga një garë dhimbjeje.
Shqiptarët në Itali nuk u detyruan të ndryshojnë emrin si në Greqi. Gjë që është një njollë turpi në historinë e Europës demokratike”, tha ai.
