Një fëmijë njëvjeçar e ka humbur jetën sot në një aksident automobilistik në Hajvali të Prishtinës.
Rastin e ka konfirmuar zëdhënësja e policisë për rajonin e Prishtinës, Flora Ahmeti, e cila tha se rasti po hetohet nga njësiti i trafikut.
“Sot rreth orës 13:00, kemi pranuar informatën për një aksident trafiku që ka ndodhë në Hajvali. Si pasojë e aksidentit ka humbur jetën një person (lindur në vitin 2023). Rasti po hetohet nga njësiti i trafikut”, ka thënë Ahmeti.
