Ministri i Brendshëm Taulant Balla, ka reaguar pas akuzave Sali Berishësh, ndaj kryeminsitrit Edi Rama, duke thënë se ishte ai që porositi dhunën ndaj avokatit Sokol Mëngjesi.
Avokati i ish-kryeministrit Berisha, u dhunua mëngjesin e sotëm në zonën e ish-Bllokut nga tre persona, të cilët e goditën me sende të forta. Sokol Mëngjesi aktualisht ndodhet ende në spital dhe Balla thotë se policia tashmë ka identifikuar një prej autorëve dhe po punon për zbardhjen e çështjes.
Balla shton gjithashtu se i uron shërim të shpejtë avokatit dhe se shpreh keqardhje për akuzat e Berishës, duke i quajtur ‘një kazan me helm për publikun’.
