Është zbardhur sulmi që ndodhi sot ndaj avokatit Sokol Mëngjesi këtë mëngjes në zonën e ish-bllokut.
Autorë të sulmit janë Elton Kasaj, Drivald Alia, dhe Dorian Alia dhe Romario Tabaku, i ka transportuar me makinë.
Sipas policisë është vetëdorëzuar Dorian Alia ndërsa 3 autorët e tjerë janë në kërkim.
‘Nga veprimet rezulton se Sokol Mëngjeis me profesion avokat është goditur për shkak të detyrës. Avokati ka përfaqësuar ligjërisht në një proces gjyqësor një familje që kishte të trashëguar një pronë në Tiranë, proces që është fituar nga pala që mbronte avokati. Ish-klientët nuk kanë pranuar që ta paguajnë.
Pala fituese nuk ka respektuar detyrimet kontraktore që ka pasur me studion ligjore. Jo e gjithë pala, por disa nga kontraktorët. Si të tjerë dhe kjo degë që ka kryer sulmin nuk kanë rënë dakord me detyrimet që kanë pasur nënshkruar. Në vijim të veprimeve është shoqëruar Dritan Jani Nano, i cili u ndalua si organizator i kësaj ngjarje të rëndë kriminale’- tha Tonin Vocaj.
Mësohet se kanë qenë më total 8 trashgimtarë që i përfaqësonte si avokat Mëngjesi, një nga 8 trashgimtarët nuk ka pranuar zbatojë kontratën mes Mëngjesit dhe 8 trashëgimtarëve.
Çështja është fituar në dy shkallët e gjyqësorit nga 8 trashgimtarët që përfaqësonte avokati. Në të tilla kushte avokati ka kërkuar të respektohet kontrata që kishin lidhur dhe dyshohet që vetëm Dritan Nano nuk ka pranuar.
I gjendur në këtë situata dyshohet se ka angazhuar lidhjet e tij shoqërore duke kërcënuar avokatin që të tërhiqet nga përqindja që duhet të merrte.
