Shtetet e Bashkuara i kanë dhënë dritën jeshile Ukrainës që të përdorë armë të furnizuara nga Shtetet e Bashkuara për të goditur objektiva në Rusi, por vetëm ato pranë rajonit të Kharkivit, ku po kryhen luftime, tha të enjten një zyrtar i Shteteve të Bashkuara.
Vendimi paraqet një ndryshim të qëndrimit të Presidentit Joe Biden, i cili deri më tani, kishte refuzuar me vendosmëri që Ukraina të përdorte armatime amerikane për të kryer sulme brenda Rusisë.
