Shqipëria ka dy drejtorë policie në borderonë ekonomike. Muhamet Rrumbullakun që është në detyrë dhe Gledis Nanon që u shkarkua nga kryeministri i vendit Edi Rama, por që gjykata Administrative vendosi që të pranojë kërkesën e tij që kërkon pagesat mujore bruto për një periudhë 5 vjeçare, por jo rikthim në strukturë.
Tashmë shteti do të paguajnë pagën për 60 muaj me radhë për Nanon njësoj sikur të kishte mbyllur mandatin 5 vjeçar të drejtimit të Policisë së Shtetit. Gjykata e ka konsideruar shkelje shkarkimin e Nanos nga kryeministri Rama.
Ish-kreu i Policisë së Shtetit, Gledis Nano u shkarkua nga kryeministri Edi Rama në 31 gusht 2022 me argumentin se nuk i ka realizuar objektivat, me propozim të ish-Ministrit të Brendshëm Bledi Çuçi.
Periudha e shkarkimit të tij përkoi në kulmin e sezonit turistik, ku pas disa ngjarje me skafe në det, ku më e rënda ishte ajo e vrasja së një fëmije nga policimit të Elbasanit Arjan Tase, zhdukja e Ervis Martinajt dhe më pas arrestimi i shoqëruesit të tij, policit Jeton Lami.
