Spanja është një nga kundërshtarët e Shqipërisë në Europian. Sulmuesi Alvaro Morata u shpreh se jo vetëm Italia dhe Kroacia, por edhe Shqipëria ka cilësi.
“Ne vijmë në garë me dëshirë dhe besim dhe kemi shansin të bëjmë histori, sepse Spanja ka 3 kampionate evropiane si Gjermania dhe askush nuk ka fituar kurrë 4, kështu që këtu ne jemi të emocionuar dhe me një dëshirë të madhe për të punuar.
Nuk jemi favoritë sepse ka shumë kombëtare spektakolare, por mendoj për kampionatin e fundit evropian askush nuk na shihte si favoritë dhe u eliminuam me penallti në gjysmëfinale kundër Italisë.
Dhe atëherë ishim shumë më prapa se sot, as familjarët nuk na besuan. Mund të luajmë kundër çdo kundërshtari. Në grup janë Italia dhe Kroacia si në Evropianin e fundit dhe në Ligën e Kombeve dimë si luajnë, njohim genin e tyre konkurrues, cilësi që e ka edhe Shqipëria. Për t’i bërë kundërshtarët tanë të vuajnë, ne duhet të kujdesemi për topin, ashtu siç na pëlqen” tha ai.
