Ish-kapiteni i kombëtares, Lorik Cana është optimist për një paraqitje të mirë të kuqezinjve në Euro2024 në Gjermani. Ai u ndal konkretisht tek ndeshja e parë me Italinë.
“Shqipëria nuk ka asnjë për të humbur, duhet të mbështet te rruga e tyre në rritje, ashtu siç bëri edhe gjatë fazës kualifikuese ku e mbylli grupin në vendin e parë. Nuk kishte ekipe “big”, por skuadra bëri një punë të madhe, me një Sylvinho i cili u tregua i zoti të shfrytëzonte të gjithë materialin që kishte në dispozicion dhe që i lejoi përfaqësueses tonë të merrte pjesë në Evropian.
Më pas qëlluam në grupin më të vështirë, kjo na jep më pak presion, por vështirësia është shumë e madhe. Shqipëria është në një moment ku nuk ka një pikë referimi të qartë, kjo pasi akoma nuk është përplasur me një ekip “big”. Kjo u pa edhe gjatë fazës kualifikuese, ku kishim një Poloni nën ton dhe një Republikë Çeke që është një skuadër e mirë, por nuk është një nga ekipet “big” të kontinentit.
Tani steka është ngritur dhe të shohim se çfarë do të dalë në pah, por në çdo rast, Shqipëria mbetet një skuadër me vlera: mbrohemi shumë mirë, kemi një shtyllë kurrizore e gjitha italiane, pa llogaritur këtu edhe disa emra risi, kemi më shumë cilësi në mesfushë dhe në sulm. Është e rëndësishme të shohim edhe cilësitë e Brojës, nëse është mirë do të jetë shpërthyes” tha ai.
