Ish kryeministri shqiptar i Malit të Zi, Dritan Abazoviç ka thënë se këtë mbrëmje do bëjë tifo për Serbinë, me kombëtaren ballkanase që luan kundër Anglisë në Grupin C të Euro 2024.
“Do të jem në stadiumin e Gelsenkirchen, duke brohoritur për Serbinë kundër Anglisë. Shpresoj se është koha për befasinë e parë të madhe, edhe një barazim dhe do të ishte rezultat i mrekullueshëm, por pse të mos besoni se Anglia mund të rrëzohet”, tha Abazoviç.
Ish kryeministri i Malit të Zi tha se beson në kalimin e Serbisë në fazën tjetër të Euro 2024.
“Është testi më i madh, nëse shkon mirë, mendoj se do të jetë një ecuri e madhe. Serbia ka individë të mrekullueshëm, mendoj se më në fund do të tregojnë se janë një ekip i madh”, përfundoi Abazoviç.
