Kryeministri Edi Rama ka reaguar pas përballjes emocionuese të Shqipërisë kundër Kroacisë në Kampionatin Evropian Euro 2024.
Sipas Ramës sfida e sotme ishte një krenari e madhe për të gjithë shqiptarët.
“Përballë një skuadre shumë më të fortë në letër dhe me shumë më shumë eksperiencë në këto nivele ishte një Shqipëri e re, e përkushtuar me mish e me shpirt ndaj flamurit kuqezi, e cila të mbush me krenari, me dashuri, me respekt e me optimizëm për rrugën përpara, përtej këtij Europiani, falë djemve të jashtëzakonshëm dhe publikut të saj po aq të jashtëzakonshëm”, shkruan Rama.
Më tej ai thotë që “Kokën lart dhe kështu përpara, me pasion, shpirt skuadre, përpjekje deri në fund për të bërë më të mirën”.
