Ditën e sotme pezullohet me anë të vendimit të Gjykatës një punonjës policie.
Vendimi i Gjykatës ka ardhur pas hetimeve të APM-së.
Punonjësi i policisë 38-vjeç me iniciale E.D., me detyrë Nd/Specialist i Policimit në Komunitet në Komisariatin e Policisë Nr. 4 Tiranë akuzohet për kryerjen e veprës penale “Shpërdorim detyre”.
Punonjësi i policisë duke shfrytëzuar informacionin që kishte për shkak të detyrës ka fshehur veprime me një prej personave që merrej me kultivimin e lëndëve narkotike me të cilin kishte dhe marrëdhënie familjare.
Ndërkohë po vijojnë hetimet për dokumentimin e plotë me prova ligjore të veprimtarisë së dyshuar.
