Një ngjarje e rëndë ka ndodhur mbrëmjen e djeshme në Kalkidë Greqi ku një shqiptar ka tentuar të mbysë me kabllo gruan e tij.
Sipas eviathema.gr, mes çiftit me origjinë shqiptare ka pasur një konflikt për arsye ende të panjohura.
Burri dyshohet se ka goditur edhe fëmijën, ndërsa nëna thuhet se ka marrë fëmijën dhe ka shkuar në komisariat ku ka denoncuar të shoqin mbi ngjarjen.
Shqiptari është arrestuar nga efektivët e policisë, ndërsa të premten pritet të dalë para hetuesisë në gjykatat e Kalkidës me akuzën e vrasjes së mbetur në tentativë.