Dy shqiptarë janë arrestuar në Perugia të Italisë pasi janë akuzuar se kanë përdhunuar një 19-vjeçare.
Sipas mediave italiane dy shqiptarët 69 dhe 34 vjeç e kanë kryer aktin e rëndë ndaj vajzës.
Ngjarja ka ndodhur në orët e natës pas përfundimit të një mbrëmjeje ku vajza ishte duke kërkuar një taksi për të shkuar në shtëpi.
69-vjeçari i është ofruar duke i dhënë kontaktin e një taksie me pretendimin se nuk e kishte telefonin me vete.
Ai e ka bindur vajtën që ta ndiqte deri në shtëpi dhe më pas së bashku me tre persona të tjerë ku mes tyre ishte edhe 34-vjeçari kanë abuzuar seksualisht me të renë.
Në denoncim vajza ka deklaruar se është detyruar edhe të përdorë kokainë. Pas dhunës ajo shkoi në spitalin e Perugias ku pas ekzaminimeve u rekomandua që të qëndrojë në spital për 20 ditë.
Ndërkohë në banesën ku dyshohet se ka ndodhur dhuna seksuale policia ka gjetur kokainë dhe hashash.