Agjencia Kombëtare e Mbrojtjes Civile me anë të një postimi në rrjetet sociale ka reaguar për situatën e zjarrit që përfshiu Dhërmiun dhe Qafën e Llogarasë.
Agjensia u ka bërë apel qytetarëve që të mos ndezin zjarre në pyje pasi kjo përbën një vepër penale dhe dënohet me burg.
“Për ata që ndezin zjarre në mënyrë të qëllishme, për të liruar kullota apo thjeshtë për të shkaktuar dëme në mjedisin natyror, kujtojmë se shkatërrimi i pronës publike dhe private me zjarr është një krim që dënohet deri në 5 vjet burg”, shkruan mbrojtja civile.
Gjithashtu ata shprehen se nuk do të ketë asnjë tolerim për qytetarët që ndezin zjarre në pyje.
