Prokuroria e Tiranës ka çuar për gjykim tre ish-zyrtarë të komunës Bërxullë dhe një person tjetër.
Prokuroria çon për gjykim ish-kryetarin e Komunës së Bërxullës, Ymer Marku, kryeplakun e fshatit Bërxullë, Agim Loci dhe Kujtim Balliu, specialisti i Z.M.M.T.
Gjithashtu është firmosur arresti dhe për përfituesin e pronës, Kujtim Allmeta i cili, më pas e ka shitur sipërfaqen e tokës tek një kompani.
Nëpërmjet hetimeve Prokuroria arriti në konkluzionin që Kujtim Allmeta nëpërmjet falsifikimeve është pajisur me çertifikatë pronësie për pasurinë në Bërxullë 7500m2 dhe më pas në vitin 2020 e shiti duke përfituar shumën prej 10.000.000 lekësh.
Me kërkesë të prokurorisë, 7500m2 tokë e përfituar me dokumente të falsifikuara është sekuestruar.
