Kreu i Demokratëve Lulzim Basha me anë të një postimi në rrjetin e tij social në facebook ka reaguar për propozimet e PS në Kodin Zgjedhor.
Basha shprehet se ky sabotim i listave të hapura dhe votës së diasporës është kurorëzim i një plani anti-demokratik kundër interesave të qytetarëve shqiptarë.
“Sabotimi i listave të hapura dhe i votës së diasporës është kurorëzimi i një plani anti-demokratik kundër interesave të qytetarëve shqiptarë. Dështimi i Reformës Zgjedhore, kishte pikerisht këtë qëllim, që shqiptarët të mos zgjidhnin me votën e tyre deputetët në parlament dhe që të pamundësohet vota e shqiptarëve që jetojnë jashtë vendit”, shkruan Basha.
Ai thekson se frika nga vota e lirë dhe nga humbja e pushtetit nuk mund të mbajë peng vullnetin e shumicës.
