Vëllai i Kryeministrit Olsi Rama është paraqitur për herë të dytë në SPAK.
Në një prononcim për mediat Olsi Rama tha se është thirrur si person në dijeni për çështjen “Xibraka”.
“Për çështjen “Xibraka” isha si person në dijeni, dhashë shpjegimet e mia. U pyeta për gjëra që dini dhe ju, sqarova situatën”, deklaroi Olsi Rama.
Ai u paraqit për herë të parë në SPAK më datë 28 qershor ku u pyet për të njëjtën çështje.
Kujtojmë se kallëzim ndaj tij është bërë nga kreu i Grupit Parlamentar Gazment Bardhi, i cili pretendon se vëllai i kryeministrit ka qenë i përfshirë në aktivitetin e paligjshëm.
