Adriatik Lapaj nga lëvizja “Shqipëria Bëhet” ka denoncuar mungesën e ilaçeve anti-alergjike duke njoftuar se 2 pacientë kanë humbur jetën nga kjo gjë.
Gjithashtu ai paralajmëroi ministren e Shëndetësisë Albana Koçiu se nëse vazhdon të mos bëjë asgjë për këtë do të përfundojë në SPAK.
“Nuk është problemi tek 5 mjekë por tek një sistem që nuk siguron ilaçe.
Mund të mos kemi autostradat, teatrot e pishinat sportive më të mira në botë por nuk mund të mendohen tavanet në buxhet për ilaçe.
Po ju paralajmëroj, edhe mjekët e shoqëria duhet të reagojnë.
Çfarë do të thotë ministria nëse nesër një nga pacientët ndërroj jetë? Thirrje ministres së Shëndetësisë, do të shihemi në SPAK për këtë çështje dhe të tjera.
Thirrje Ramës, siguro ilaçe dhe hiq dorë nga avionët privatë”, u shpreh ai.
