Kreu i Partisë Demokratike Sali Berisha në tubimin e tij tha se Edi Rama dhe statistikat e qeverisë së tij po fshehin shifrat e vërteta të numrit të turistëve dhe të ardhurave.
“Statistikat e narkoqeverisë së Edi Ramës thonë se në 109 mijë shtretër turistikë të Shqipërisë, u regjistruan gjithsej 6 milionë net fjetje. Me këtë llogari i bie se çdo turist fjeti në Shqipëri dy orë më shumë se gjysëm nate, apo një orë më shumë se gjysëm nate. Nga 10 milionë, janë 6 milionë net”, shprehet Berisha.
Ai gjithashtu tha se çdo qytetar i këtij vendi ka përfituar 4 euro.
“Në qoftë se kemi përfituar gjithsej 8 milionë euro si popull dhe 4 euro për person, kemi shpenzuar nga paratë e buxhetit, nga taksat tuaja, kemi investuar në resortet turistike të klaneve të Edi Ramës, 430 milionë euro në vit”, tha Berisha.
