Kryeministri Edi Rama, gjatë takimit me kryebashkiakët, theksoi se “pastrimi është një prioritet kyç” dhe kërkoi angazhim më të madh nga Bashkitë. Ai vlerësoi Lezhën si një model për progresin e arritur.
“Jam bërë bajat duke sjellë si shembull policinë e Lezhës në bashki, por është fakt s’ke ca i bën. Është pasqyrë pastërtia”, tha Rama
Rama njoftoi se vitin e ardhshëm do të ndërhyhet në hapësirat publike të plazheve, me synimin për të ofruar “më shumë hapësira publike për pushuesit.” Ai përmendi plazhin e Sarandës si një shembull të njohur dhe nënvizoi se “pjesa tjetër ka të drejtat e veta.”
Përsa i përket situatës së pastërtisë, Rama theksoi se ka pasur përmirësime krahasuar me vitin e kaluar, por kërkoi që “duhet qëndruar mbi kokë” për të garantuar vazhdimësinë e këtij progresi.
