Sipas hulumtimeve të kanalit televiziv amerikan Fox News, Thomas Crooks publikoi një mesazh paralajmërues në platformën “Steam” përpara aktit të tij të përgjakshëm ndaj ish-presidentit Trump.
Crooks në mesazhin e tij ka paralajmëruar se “13 korriku do të jetë premiera ime. Shikoni çfarë ndodh”.
Kur hetuesit ekzaminuan laptopin e Crooks ata gjetën disa kërkime në korrik për Trump dhe Biden, si dhe datën 13 korrik të konventës së DNC dhe ngjarjen e fushatës Trump.
Ndërsa fotot e Biden thuhet se janë gjetur mes fotove të tij të ruajtura.
Sipas Shërbimit Sekret, policia e shtetit të Pensilvanisë dhe asaj lokale thuhet se kanë qenë përgjegjës për sigurimin e zonës së jashtme.
Sipas tyre ata duhet ta kishin ndaluar qëlluesin në çati.
në një intervistë me “Focus”, sherifi i Qarkut Butler, Michael Slupe mohoi: “Jo, ne nuk ishim përgjegjës. Ne u futëm aty ku ata kishin nevojë për ne”.
Sipas FBI-së amerikane, vrasësi i Trumpit, Thomas Crooks, kërkoi në internet për objektiva të tjerë të rangut të lartë për një sulm të mundshëm përpara sulmit të tij ndaj ish-presidentit. Në këtë kontekst, ai synoi edhe një anëtar të familjes mbretërore të paidentifikuar.
Këtë e bën të ditur gazeta britanike “The Mirror”, duke cituar autoritetin e sigurisë. Ai gjithashtu mblidhte ndonjëherë informacione rreth Christopher Wray, drejtorit të FBI-së dhe Merrick Garland, Prokurorit të Përgjithshëm të SHBA.
Një orë para se personi i armatosur të qëllonte drejt Trumpit, rojet lokale të sigurisë e klasifikuan autorin në turmë si të dyshimtë – një “djalë i ri që po sillej në mënyrë të çuditshme”, siç raportoi New York Times. U informua edhe Shërbimi Sekret, i cili mbron ish-presidentin. Por më pas gjurmët e të dyshuarit kanë humbur.
Të paktën dy forca sigurie u thirrën për të ndihmuar në kërkimin. Rreth 20 minuta para se të qëllohej, një snajper e vuri re atentatorin në një çati, tha ai. I dyshuari kishte me vete një çantë shpine dhe një pajisje për matjen e distancave, shkroi John Barrasso, senator nga shteti Wyoming, në X.
Vrasësi u vra 26 sekonda pas goditjes së tij të parë, shkruan ABC News.
