Sot ka nisur një protestë e organizuar nga Aleanca për Mbrojtjen e Teatrit para Bashkisë Tiranë, në lidhje me dosjen “5D” dhe keqpërdorimin e fondeve publike.
Qytetarët kanë ngritur shqetësimet e tyre për korrupsionin dhe keqadministrimin nga ana e kryebashkiakut Erion Veliaj, duke kërkuar dorëheqjen e tij dhe ndëshkimin e përgjegjësve për abuzimet me buxhetin e qytetarëve.
Dorian Teliti, këshilltar për çështjet ekonomike në Partinë Demokratike, ka qenë i pranishëm në protestë dhe ka shprehur qëndrimin e tij ndaj situatës aktuale.
“Një javë më parë, Tirana dhe Shqipëria dhanë një mesazh të qartë dhe të fortë: Ne do të qëndrojmë të fortë për vlerat tona kombëtare. Nuk do të pranojmë amnisti për ata që kanë abuzuar me fondet e qytetarëve dhe kanë shkatërruar ambientet e përbashkëta. Tiranë është kthyer në qytetin e korrupsionit dhe klientelizmit. Ky është momenti për të kërkuar llogari dhe për të ndaluar këto abuzime”, u shpreh Teliti
Protestuesit e pranishëm në vendngjarje vazhdojnë të kërkojnë një hetim të plotë dhe transparent mbi dosjen “5D” dhe janë të vendosur të qëndrojnë në këmbë për drejtësi dhe transparencë.
