Argita Malltezi ka dalë në një konferencë për shtyp për të shpjeguar arsyet se pse Sali Berisha dhe Jamarbër Malltezi po mbahen në arrest pa prova, por me urdhër politik.
Sipas saj hetimi pasuror i babit të saj ka filluar që para katër vitesh.
“Nuk është e vërtetë se Berisha po mbahet nën hetim se paska filluar tani hetimi pasuror ndaj Berishës, hetimi pasuror ka 4 vjet që ka filluar”, tha Malltezi.
Më pas ajo tha se SPAK pretendon se Berisha po mbahet në arrest për shkak të largimit nga vendi psi ka mundësi financiare.
“Baza për të cilën kërkohet vijimi i masës së arrestit është ekzistenca e rrezikut për ikjen. Në parlament SPAK deklaroi në fakt se masa e arrestit ndaj Berishës po vendoset sepse nuk ka respektuar masat e para. Më pas me urdhër politik, ndryshoi vallja dhe SPAK ngre këtë pretendim. Gjykata është e detyruar të thotë si provohet rreziku i ikjes. Asnjë provë nuk ka. SPAK thotë se ekziston rreziku i ikjes sepse kanë mundësi financiare për të ikur. Ky është argumenti që jep SPAK. Janë dy persona që vuajnë dënimin në mënyrë individuale, Jamarbër Malltezi është në arrest shtëpie që në 20 tetor, Sali Berisha është në arrest që në 30 dhjetor. Për të dy është i njëjti argument, kanë mundësi financiare për të ikur”, u shpreh Malltezi.
