Kandidati i opozitës për kryetar të Bashkisë Himarë Petro Gjikuria ka mbyllur fushatën dhe gjatë fjalimit të tij tha se Himara është tragjike, pasi pas 12 viteve duhet premtuar ujë dhe rrugë, pasi mungojnë tërësisht investimet minimale në zonë.
Gjikuria u shpreh që kjo gjendje duhet ndryshuar urgjentisht dhe Himara ka nevojë për investime infrastrukturore, ujë në çezmat e shtëpive, kanalizime, parqe, plazhe publike falas.
“Tu japim mundësi himariotëve që jetojnë jashtë që të kthehen dhe të investojnë këtu t’i stimilojmë të hapin biznese në tokat dhe shtëpitë e tyre. Fokusi im do të jetë edhe zhvillimi i biznesit të vogël, dhënia e lejeve të ndërtimit për çdo himarjot. Lehtësimi i procedura burokratike në bashki dhe asistencë ligjore e them prap asistencë ligjore për banorët e Himarës”, tha Gjikuria.
