Ditën e sotme në Lezhë dy persona u arrestuan dhe një tjetër u procedua në gjendje të lirë pasi qëlluan në ajër me pistoletë dhe më pas janë larguar.
32-vjeçari Erion Berisha dhe 24-vjeçari Petrit Neziri banues të dy në lagjen ‘Skënderbeg’ dyshohet se kanë marrë makinën e 28-vjeçarit E.G., dhe nga aty kanë qëlluar në ajër me pistoletë sportive me fishekë manovër, duke prishur qetësinë publike dhe terrorizuar banorët.
Në cilësinë e provës materiale u sekuestruan pistoleta sportive, automjeti dhe 6 gëzhoja të gjetura në vendngjarje.
Ndërsa materialet procedurale do t’i kalojnë Prokurorisë pranë Gjykatës së Shkallës së Parë të Juridiksionit të Përgjithshëm Lezhë për veprime të mëtejshme.
