Një ngjarje e rëndë ka ndodhur në orët e para të mëngjesit në ambientet e një fast-food në Dhërmi.
Sipas burimeve nga Komisariati i Policisë Himarë, shtetasi E. Sh., 27 vjeç, banues në Tiranë, ka plagosur kolegun e tij të punës, shtetasin A. M., 29 vjeç, pas një konflikti për motive të dobëta. Ngjarja ndodhi kur E. Sh. përdori një mjet prerës (thikë) gjatë përleshjes.
A. M. është dërguar menjëherë në spital dhe, sipas informacionit të fundit, ndodhet jashtë rrezikut për jetën. Pas ngjarjes, E. Sh. është shpallur në kërkim nga policia dhe aktualisht po punohet për kapjen e tij.
