Presidenti serb Aleksandar Vuçiç ka akuzuar protestuesit kundër projektit të minierës së litiumit në Serbi si pjesë e një lufte hibride të mbështetur nga Perëndimi për të rrëzuar qeverinë e tij.
Protestat masive, që përfshinë bllokimin e trafikut hekurudhor dhe rrugor në Beograd, janë përshkruar nga Vuçiç si një formë “terrorit të pakicës ndaj shumicës”.
Vuçiç ka premtuar veprime ligjore kundër atyre që kanë bllokuar infrastrukturën dhe ka akuzuar protestuesit se janë të mbështetur nga forca të panjohura që duan të destabilizojnë vendin.
Ndërkohë, ai ka ofruar mundësinë e një referendumi për hapjen e minierës, ndërsa kritika për ndotjen e mundshme mbetet e fortë. Protestat janë rritur pas rinovimit të planit për minierën e litiumit, e cila ishte ndaluar më parë pas demonstratave të mëdha.
