Presidentja e Kosovës, Vjosa Osmani, takoi Ndihmës Sekretarin e Përgjithshëm të NATO-s për operacione, Thomas Goffus, dhe theksoi nevojën për një plan të përbashkët me NATO-n për hapjen e Urës së Ibrit.
Osmani u shpreh e përkushtuar për bashkëpunim të vazhdueshëm me NATO-n dhe KFOR-in për sfidat në fushën e sigurisë dhe falënderoi për angazhimin në paqe dhe stabilitet.
Në takim, u diskutua rëndësia e koordinimit të ngushtë dhe përpilimit të një plani të përbashkët për hapjen e urës, që Osmani e konsideroi si një hap të rëndësishëm për normalizim dhe integrim të qytetarëve, pa dallim etnie.
