Deputetja britanike, Alice Kearns, ka kritikuar vizitën e presidentit të Francës, Emmanuel Macron, në Serbi, ku Macron nënshkroi një marrëveshje për shitjen e 12 aeroplanëve luftarakë “Rafale” për presidentin serb Aleksandar Vučić.
Në një deklaratë për mediat, Kearns ka theksuar se ish-kreu i diplomacisë britanike, David Cameron, kishte shprehur mbështetje të fortë për Kosovën pas sulmit të Banjskës në shtatorin e vitit 2023.
Kearns ka vënë në dukje kontrastin mes përkrahjes që Britania e Madhe ofroi për Kosovën dhe veprimeve të Macronit, duke sugjeruar se ndihma e Francës për Serbinë përmes shitjes së aeroplanëve luftarakë është një shenjë e keqinterpretimit të politikës ndërkombëtare dhe të mbështetjes për stabilitetin në rajon.
