Eurodeputeti Fredi Beleri është liruar nga qelia. I kishin mbetur edhe gjashtë javë burg, por gjykata e Fierit ditën e sotme pranoi kërkesën e Belerit duke e liruar me kusht.
“Respekte për gjykatën. Ai pronari që ka çelëst e burgut dha leje tani që të lirohet pas zgjedhjeve” – tha avokati i Belerit, Geni Gjyzari.
Ish-kryetari i zgjedhur i bashkisë Himarë u dënua për blerje të 8 votave 40 mijë lekë të vjetra.
Tashmë Beleri do të paraqitet në Strasburg në Parlamentin Europian, ku është zgjedhur nga Greqia.
