Shtetet e Bashkuara po përgatiten të akuzojnë Rusinë se po përpiqet të ndikojë në zgjedhjet e vitit 2024 me përdorimin e mediave shtetërore për të përhapur mesazhe të diskutueshme dhe dezinformuese.
Këtë e kanë bërë të ditur mediat amerikane, duke cituar disa burime, sipas të cilave aktakuzat zyrtare do të zbardhen në orët në vijim.
Akuzat janë pjesë e përpjekjeve më të gjera të qeverisë amerikane për t’iu kundërvënë përpjekjeve të Kremlinit për të ndikuar në votim. Agjencitë amerikane të spiunazhit besojnë se Rusia favorizon Donald Trumpin për shkak të skepticizmit të tij për ndihmën e SHBA-së për Ukrainën.
