Zëdhënësi i Komisionit Evropian Peter Stano teksa komentoi vizitën e Vulin në Rusi u shpreh se mbajtja e lidhjeve me Moskën nuk është në përputhje me vlerat e BE-së dhe procesin e anëtarësimit në Bashkimin Evropian.
“Bashkimi Evropian dëshiron të llogarisë në të gjitha vendet kandidate si partnerë të besueshëm evropianë që ndajnë parime, vlera, siguri dhe përparim të përbashkët. Bashkimi Evropian ka qenë i qartë me partnerët e tij: marrëdhëniet me Rusinë nuk mund të jenë normale për shkak të luftës së pajustifikuar, agresive të Rusisë kundër Ukrainës”, tha ai.
Zëvendëskryeministri serb Aleksandar Vulin, gjatë një takimi me presidentin rus Vladimir Putin në Vladivostok, tha se Serbia e udhëhequr nga Aleksandar Vuçiç nuk do të bëhet kurrë anëtare e NATO-s, nuk do të vendosë kurrë sanksione ndaj Rusisë.
