Sot në orën 21:00 (ora amerikane), zhvillohet debati televiziv mes zv/presidentes Kamala Harris dhe ish-presidentit Donald Trump, i organizuar nga rrjeti ABC. Ky debat është i pari për Harris në këtë fushatë dhe debati i shtatë për Trump.
Analistët parashikojnë që Trump mund të përdorë taktika të forta dhe goditje personale, ndërsa Harris do të përpiqet të tërheqë votuesit me empatinë e saj. Debati do të zgjasë 90 minuta, pa publik në sallë, dhe do të ketë dy pauza reklamash.
Sondazhet aktuale tregojnë një diferencë të ngushtë mes kandidatëve, duke e bërë këtë debat një mundësi të rëndësishme për të dy palët për të konsoliduar mbështetje dhe për të ndikuar në votuesit e pavendosur.
