Në Podcastin e javës, Kryeministri Edi Rama kishte në fokus prokurimet. Edhe pse denoncimet janë thuajse cdo ditë jo vetëm nga opozita dhe media, kreu i qeverisë tha se është krenar për mënyrën si bëhen tenderat, prokurimet publike.
“Shqipëria shihet si e transformuar pozitivisht dhe është e para në rajon dhe me diferencë nga të tjerët për prokurimet publike. Ndërsa në disa indikatorë të caktuar, Shqipëria ndodhet mbi mesataren e disa vendeve të BE-së.
Edhe të dhëna të tjera flasin për faktin se lufta kundër korrupsionit nuk është vetëm në frontin që ne mundësuam dhe falë vullnetit tonë u hap në anën e drejtësisë por është edhe lufta e përditshme në modernizimin e shtetit dhe ndërtimin e sistemeve që e bëjnë gjithmonë e më pak të pranishme prezencën e korrupsionit” tha ai.
