Ministri i Jashtëm Igli Hasani ka përkujtuar sot 23-vjetorin e sulmeve të 11 shtatorit, duke shprehur solidaritetin e Shqipërisë me Shtetet e Bashkuara të Amerikës.
Në një postim në rrjetin social “Facebook”, Hasani theksoi: Sot nderojmë kujtimin e jetëve të pafajshme të humbura në sulmet e 11 shtatorit 2001 dhe reflektojmë mbi guximin, dhembshurinë dhe solidaritetin që u shfaq në përgjigje të tyre. Shqipëria qëndron përkrah aleatit të saj strategjik, Shteteve të Bashkuara të Amerikës, në luftën kundër terrorizmit dhe mbrojtjen e të drejtave të njeriut, vlerave demokratike, stabilitetit dhe paqes.
