Ish-ministri libanez i Mbrojtjes, Yacoub Sarraf, ka pretenduar se shpërthimet e njëkohshme të celularëve në disa zona të Libanit ishin të organizuara përmes një “sulmi kibernetik”.
Sipas raportimeve nga gazeta franceze “L’Orient le Jour”, Sarraf ka deklaruar se pajisjet që shpërthyen janë të koduara me një sistem të veçantë që mundëson shpërthimin e tyre përmes një kodi të njohur si “Dera e pasme”. Ky kod, sipas Sarraf, i lejon prodhuesit të aksesojë dhe të japë udhëzime për shpërthimin e pajisjeve.
Sarraf ka sugjeruar se “armiku” (Izraeli) mund të ketë arritur të sigurojë këtë kod dhe ta përdorë për të realizuar shpërthimet, duke cilësuar këtë si një “krim të tmerrshëm”.
Kjo deklaratë vjen në kontekstin e shpërthimeve të rënda dhe të koordinuara që kanë ndodhur në Liban dhe që kanë shkaktuar shqetësime të mëdha për sigurinë dhe stabilitetin në rajon.
