Ka përfunduar takimi i kryeministrit Edi Rama me drejtuesit e Partisë Socialiste në qarqe dhe krerët e bashkive për të diskutuar strategjitë për zgjedhjet e vitit 2025.
Kryeministri Edi Rama ka kërkuar që çdo bashki të ketë një koordinator të posaçëm për të evidentuar emigrantët shqiptarë që banojnë në atë njësinë administrative.
Burimet bëjnë të ditur se Rama ka kërkuar krijimin e një sistemi të dhënash të sakta për emigrantët dhe nxjerrjen e tyre për t’u regjistruar, me qëllim pjesëmarrjen në zgjedhje.
Ai ka udhëzuar 15 drejtuesit politikë të PS-së që të punojnë me përkushtim për të garantuar votën e diasporës.
