Prokuroria e Fierit ka mbyllur hetimet për vrasjen e Gramoz dhe Lavdimir Kurtaj në Roskovec. Dy vëllezërit u vranë nga Altin Kukaj dhe bashkëpunëtorët e tij.
Shkaku i vrasjes dyshohet se djali i Altin Kukaj ka pasur një zënkë me dy vëllezërit që u vranë. Në momentin që ka ndodhur vrasja dy vëllezërit kanë qenë në një lokal të vogël në qëendër të fshatit.
Prokuroria e Fierit ka njoftuar që nga kjo ngjarje janë arrestuar 4 persona dhe Gjykata ka caktuar masat e sigurisë ‘arrest me burg’.
Altin Kukaj dyshohet për kryerjen e veprës penale “Vrasja në rrethana të tjera cilësuese”, kryer në bashkëpunim, “Mbajtja pa leje dhe prodhimi i armëve, armëve shpërthyese dhe i municionit”.
Evis Kukaj, dyshohet për kryerjen e veprës penale “Vrasja në rrethana të tjera cilësuese”, kryer në bashkëpunim,“Mbajtja pa leje dhe prodhimi i armëve, armëve shpërthyese dhe i municionit”, dhe “Drejtimi i automjeteve në mënyrë të parregullt”.
Emarjus Kuka dyshohet për kryerjen e veprës penale “Vrasja në rrethana të tjera cilësuese”, kryer në bashkëpunim dhe “Mbajtja pa leje dhe prodhimi i armëve, armëve shpërthyese dhe i municionit”.
Ndërsa Tomor Zykaj dyshohet për kryerjen e veprës penale “Përkrahja e autorit të krimit” parashikuar nga neni 302/2 i K.Penal/
Y.K dyshohet për kryerjen e veprës penale “Mbajtja pa leje dhe prodhimi i armëve, armëve shpërthyese dhe i municionit” dhe “Prodhimi dhe mbajtja pa leje e armëve të gjuetisë dhe sportive”. Ndërsa i mituri në konflikt me ligjin E.H, dyshohet për kryerjen e veprës penale “Moskallëzimi i krimit”.
Y.K., dhe E.H., për shkak të moshës së tyre janë në hetim në gjendje të lirë, ndërsa Altin Kukaj 49 vjeç, Ervis Kukaj, 21 vjeç dhe Emauris Kukaj 18 vjeç (babai dhe 2 djemtë e tij), dhe Tomor Zyka, janë lënë në burg.
