Policia italiane ka arrestuar një 31-vjeçar shqiptar, i cili ishte i përfshirë në një rrjet të dyshuar kriminal. Policia i ka sekuestruar 93 kg kokainë të pastër dhe nëse do të dilte në tregun shitjes në doza do të arrinte një vlerë me 4 mln euro.
Sipas medias italiane, ndërhyrja u bë në një apartament në Serengo zona e Brianza, në provincën e Monzës dhe Milanos dhe u konfirmua ditën e djeshme.
Emri i shqiptarit nuk është publikuar dhe operacioni po vijon për identifikimin e personave të tjerë të përfshirë në këtë rrjet kriminal.
