Policia e Tiranës ka arrestuar 13 persona pasi akuzohen për vepra të ndryshme penale.
Një 19-vjeçar me iniciale A.L u arrestua pasi gjatë kontrollit fizik i gjetën dhe i sekuestruan një sasi të lënde të dyshuar kokainë. 32-vjeçari me iniciale I.P., dhe 31-vjeçarja A.K., u arrestuan pasi në bashkëpunim me njëri-tjetrin kanë vjedhur pije alkoolike në dy markete të ndryshme. Si dhe 45-vjeçari me iniciale G.T., është dënuar nga Gjykata e Tiranës me 4 muaj burg për veprën penale “Vjedhja”.
Ndërsa 42-vjeçari me iniciale D.B., u arrestua për mashtrim, 24-vjeçari F.B., për plagosje e lehtë me dashje dhe 37-vjeçari me iniciale E:v., për dhunë ndaj bashkëshortes së tij. Gjithashtu 44-vjeçari V.K., 31-vjeçari R.M., dhe 27-vjeçari Sh.Sh. u arrestuan për dhunë në familje.
Ndërkohë 52-vjeçari Xh.Q., u dënua me 4 muaj burg për veprën penale “Drejtimi i automjeteve në mënyrë të parregullt”, E. B., 29 vjeç, u arrestua duke drejtuar automjetin nën ndikimin e lëndëve të dyshuara narkotik dhe L. V., 46 vjeç në autostradën Elbasan-Tiranë po drejtonte automjetin në gjendje të dehur dhe pasojë është dëmtuar dhe ndodhet jashtë rrezikut për jetën.
Ndërsa për të gjithë të arrestuar materialet i kaluan Prokurorisë për veprime të mëtejshme.
