Shefi i diplomacisë së BE, Josep Borrell, ka dënuar sulmet ndaj pajisjeve të telekomunikimit të Hezbollahut, duke theksuar se ato kishin si qëllim përhapjen e terrorit në Liban.
Ai e cilësoi metodën e përdorur si të papranueshme për shkak të dëmeve kolaterale për civilët dhe pasojave për popullsinë.
“Kjo metodë e përdorur është e papranueshme, për shkak të dëmeve të mëdha dhe të pashmangshme kolaterale në mesin e civilëve, si dhe për shkak të pasojave të gjëra për tërë popullsinë, përfshirë frikën dhe terrorin dhe kolapsin e spitaleve”, tha Borrell.
Libani dhe Hezbollahu akuzojnë Izraelin për kryerjen e këtyre sulmeve, por Izraeli nuk ka pranuar përgjegjësinë.
