Presidentja e Komisionit Evropian Ursula von der Leyen do të mbledhë sot në një drekë pune në Bruksel udhëheqësit e vendeve të Ballkanit perëndimor.
Në këtë drekë do të jenë të pranishëm edhe kryeministri Edi Rama, Albin Kurti dhe Aleksandar Vuçiç.
Qëllimi kryesor i këtij takimi është diskutimi për “agjendat e reformave dhe të rritjes”.
Përmes Planit të Rritjes për Ballkanin Perëndimor, Bashkimi Evropian planifikon të ndajë rreth 6 miliardë euro për vendet e këtij rajoni në periudhën prej vitit 2024 deri në vitin 2027.
Plani ka si qëllim të nxisë bashkëpunimin rajonal dhe zhvillimin e tregut të përbashkët në rajon, i cili gradualisht do të integrohej në tregun e përbashkët të Bashkimit Evropian.
