Presidenti ukrainas, Volodymyr Zelensky, ka zbuluar detaje nga takimi i tij me Donald Trump, që u cilësua “i ftohtë”. Në këtë takim, Trump e pyeti Zelensky për situatën në fushën e betejës dhe mbështetjen amerikane.
“Trump pyeti; Çfarë shihni tani, si është situata në fushën e betejës? Si e shihni mbështetjen nga Shtetet e Bashkuara? Pse mendoni se Putini filloi pushtimin?”, tha Presidenti ukrainas.
Zelensky theksoi se Trump shprehu mbështetje për Ukrainën dhe premtoi se do të ishte në anën e saj.
“Unë mendoj se ne e kuptojmë më mirë se të gjithë, përfshirë Donald Trump, se çfarë po ndodh në Ukrainë dhe si ta ndalojmë Putinin”, deklaroi ndër të tjera Zelensky.
Ai gjithashtu theksoi se janë të vetëdijshëm për sfidat e përballjes me Putinin.
