Ditën e sotme një 29-vjeçare shqiptare është dënuar me 4 vite burg nga një gjykatë në Dubrovnik.
Klevisa Ymeri u shpall fajtore për një aksident që ndodhi në prill të këtij viti ku e reja shqiptare përplasi Stjepan dhe Katarina Đerek, vëlla e motër që humbën jetën.
Ngjarja ndodhi në zonën e Ratacit dhe prokuroria tha se Ymeri ishte fajtore pasi po udhëtonte me shpejtësi të lartë gjë që shkaktoi përplasjen me makinën e viktimave gjatë një parakalimi.
Në gjykatë dëshmoi edhe vetë Ymeri, ku u shpreh se “Para se të kthehesha ka ndodhur një përplasje dhe nuk më kujtohet asgjë më pas”.
