Policia ka arrestuar një 36-vjeçar në Tiranë, pronar i një biznesi për shit-blerje aparatesh telefonikë, për veprat penale të ndërhyrjes në sistemet operative iOS dhe Android.
Ai dyshohet se ka përdorur programe të palicencuara nga DarkWeb për të përvetësuar të dhëna dhe fjalëkalime, duke shkelur elementët e sigurisë të pajisjeve dhe kthyer smartphone-t në gjendje fillestare për t’i shitur. Deri tani janë dokumentuar 473 raste të përvetësimit të fjalëkalimeve.
Operacioni u finalizua pas hetimeve të thelluara dhe përdorimit të metodave speciale. Materialet i kaluan Prokurorisë për vazhdimin e hetimeve.
